„Боинг“ најави дека ќе вработи 10.000 работници во 2023 година, откако го зголеми производството на млазни авиони по пандемијата на коронавирус, објави денеска американскиот производител на авиони.
Компанијата со седиште во Арлингтон, Вирџинија ја зголеми својата работна сила за околу 14.000 работници во 2022 година на 156.000.
Само во САД, Боинг вработува околу 136.000 луѓе.
Компанијата, исто така, објави дека ќе го „намали бројот на вработени во рамките на некои функции за поддршка“ со цел подобро да ги усогласи ресурсите за поддршка на тековните производи и развојот на технологијата.
Компанијата не сакаше да каже колку работни места ќе укине во текот на 2023 година.
Голем дел од новите вработувања ќе се одвиваат во деловните единици на Боинг, како и во инженерството и производството, за да се задоволи растечката побарувачка на авиокомпаниите.