Германската министерка за надворешни работи Аналена Бербок во интервју за Блумберг призна дека причините поради кои Берлин треба да ја поддржи Украина не се очигледни за многу Германци.
– Многу луѓе во САД го поставуваат прашањето: „Украина е доста далеку од нас, зошто ни е важно?“ Ова не важи само во САД, туку и кај нас во Германија. На Европа повеќе од кога било ѝ е потребна поддршката од американските „пријатели и колеги“, рече шефот на германската дипломатија.
Според неа, неопходно е да му се покаже на светот дека сојузниците ќе стојат покрај Украина „колку што е потребно“.
Претходно, шефот на германското Министерство за одбрана, Борис Писториус, нагласи дека Берлин веќе му пружил голема воена помош на Киев.
Русија претходно испрати нота до земјите од НАТО за испорака на оружје за Украина. Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија. Руското Министерство за надворешни работи соопшти дека земјите од НАТО „играат со оган“ со тоа што ѝ доставуваат оружје на Украина.
Кремљ нагласи дека испумпувањето на Украина со оружје од Запад не придонесува за успех на руско-украинските преговори и ќе има негативен ефект.
Лавров изјави и дека САД и НАТО се директно вклучени во конфликтот во Украина.
Сите информации поврзани со најновите случувања со војната во Украина можете да ги прочитате ТУКА.