АВРМ го објави повикот за самовработување со неповратни средства

Сподели со своите пријатели

Почнувајќи од денеска до 29 јануари невработените лица може да аплицираат на огласот на Агенцијата за вработување за неповратна поддршка од 3.200 евра во вид на опрема, материјали и експертска помош преку проектот на АВРМ за самовработување.

На овој оглас се очекува да се одобрат половина од 920 предвидените грантови, а останатите на втор повик на средина од годината.

Со цел мерката да биде поуспешна на двата огласи ќе бидат избрани вкупно 1.500 најдобри кандидати кои прво ќе добијат обука, а потоа ќе може да аплицираат за средства. За бизнисите со најголем потенцијал има можност да се додели грант за дополнително вработување, а вкупната поддршка може да достигне до 5.600 евра.

Програмата за самовработување владата ја спроведува во парнтерство со УНДП десетина години и преку неа досега се отворени над 7.600 фирми.


Comments are closed, but trackbacks and pingbacks are open.