Талибанската влада во Авганистан следниот викенд треба да испрати официјални претставници во Катар на дводневна средба со претставници на Обединетите нации и претставници од 25 земји, кои групите за човекови права ги критикуваа дека не вклучуваат жени од таа земја.
Тоа ќе биде трет таков собир предводен од ОН во Доха, но прв на кој присуствуваат талибанците, кои не се меѓународно признати откако ја презедоа власта во август 2021 година, објави Ројтерс.
Откако Талибанците се вратија на власт, на повеќето девојчиња им е забрането да одат во средно училиште, а на жените од факултет.
Талибанците, исто така, спречија повеќето женски авганистански вработени да работат во хуманитарни агенции, затворија салони за убавина, им забранија на жените да влезат во паркови и им го ограничија патувањето во отсуство на машки старател.
Талибанците тврдат дека ги почитуваат правата според нивното толкување на исламскиот закон.