САД воведоа максимално ниво на давачки за увезената стока, но администрацијата во Вашингтон се надева дека ќе го намали преку преговори со партнерите, рече американскиот секретар за финансии Скот Бесант.
„Се надевам дека како резултат на добри преговори ќе успееме да постигнеме намалување“, рече тој во интервју за Фокс њуз.
Бесент додаде дека изгледите за намалување на царините ќе зависат од другите земји.
Тој рече дека е изненаден од „нетрпението“ на берзата по објавувањето на тарифите, истакнувајќи дека огромните нови увозни давачки би можеле да бидат „почетна точка за преговори кои би можеле да траат неколку месеци“.
„Можеби близу 70 земји контактирале со Белата куќа за преговорите за тарифите, вклучително и Јапонија, чиј премиер Ишиба денеска разговараше со Трамп“, рече Бесан.
Тој додаде дека очекува Јапонија „да добие приоритет“ во преговорите.
„Април, мај, можеби јуни ќе биде зафатен“, рече Бесент.
Тој претходно на платформата X изјави дека Белата куќа е отворена за преговори со земји кои реагираат „позитивно“ на царините, за разлика од Кина, за која тврди дека „избрала самоизолација со одмазда и удвојување на претходното негативно однесување“.