Авион на „Флајдубаи“, кој летал од Дубаи до Тел Авив и испратил предупредување за итни случаи и код што укажува на киднапирање или незаконско мешање за време на летот, слета на аеродромот Табук во Саудиска Арабија.
Авионот прво го испратил меѓународниот код „7700“, што означува општа вонредна состојба, а потоа и кодот „7500“, кој се користи во случај на киднапирање или друго незаконско мешање.
Според израелски безбедносни извори, инцидентот најверојатно бил предизвикан од расправија во авионот.
До авионот биле испратени израелски борбени авиони, додека, според хебрејските медиуми, премиерот и министерот за одбрана одржале итни консултации.
Авионот оттогаш исчезнал од веб-страниците за следење на летовите.
Според медиумските извештаи, на авионот имало околу 180 патници.