Вариолата (мали сипаници) повторно се шири во Бугарија со повеќе од 500 потврдени случаи и сомневања за фиктивни имунизации, објавија денес локалните медиуми.
Кога стравот и лажните тврдења доведуваат до пад на покриеноста со имунизација, последиците повеќе не се само индивидуални, предупредува порталот Форбс Бугарија.
Акумулацијата на невакцинирани луѓе создава услови за појава и ширење на заразни болести, масовната антивакцинална пропаганда не е биолошко оружје во буквална смисла, но може да создаде услови во кои едно од биолошките оружја на природата, заразен вирус, наоѓа сè повеќе незаштитени луѓе.
„Заклучно со 18 август 2026 година, во Бугарија се регистрирани 534 случаи. Случаите се регистрирани по периодот во кој Бугарија беше меѓу европските земји кои добија потврда за елиминација на мали сипаници и рубеола“, изјави директорката на Националниот центар за заразни и паразитски болести, проф. Ива Христова.
Во февруари 2026 година, Светската здравствена организација (СЗО) објави дека Бугарија го задржала статусот на земја која го елиминирала ендемскиот пренос на овие две болести.
Сепак, СЗО нагласува дека елиминацијата не значи дека болеста не може да се појави или да предизвика епидемија и укажува дека се неопходни високи опфати со вакцинација и постојан епидемиолошки надзор.
Ширењето на овие инфекции постепено се зголемувало во текот на пролетта и летото, а според податоците презентирани од БНТ, до крајот на јули биле регистрирани 489 случаи, од кои повеќе од 94 проценти биле концентрирани во Враца, Ловеч и Плевен, пренесува Танјуг.