На 24 јули, Руска балистичка ракета уништи фабрика за беспилотни летала во Киев, која беше во сопственост на американска компанија регистрирана во сојузната држава Делавер.
Се чини дека ова е прв пат од почетокот на војната Москва директно да таргетира компанија во американска сопственост, пишува Гардијан.
Терминал Автономија произведува прецизни беспилотни летала со долг дострел со навигациски системи отпорни на руско попречување, изјави извор запознаен со работењето на компанијата.
Компанија регистрирана во 2023 година
Терминот „терминалска автономија“ се однесува на последната фаза од напад со камиказа дронови во кој вештачката интелигенција ја презема контролата врз оружјето откако одбранбените сили ќе го попречат радиото или мобилните комуникации.
Според официјалните регистри, компанијата е регистрирана во американската држава Делавер во 2023 година.
Терминал Автономија не одговори на барањето за коментар испратено по е-пошта на Гардијан. Украинското Министерство за одбрана исто така не одговори.
Ентони Винчи, поранешен висок американски разузнавачки службеник и автор на книгата „Четвртата разузнавачка револуција: Иднината на шпионажата и борбата за спасување на Америка“, рече дека Русија не ја интересира кој е сопственик на фабриката.
„На Русите не им е грижа кој е сопственик на производствениот објект. Тоа е сè уште легитимна цел. Не им е грижа дали е американска или туѓа“, тврди Винчи.
Руската државна новинска агенција беше првата што извести за нападот
На почетокот на јули, Доналд Трамп, кој претходно беше доста резервиран во врска со вооружувањето на Украина, објави дека САД ќе одобрат производство на противвоздушни ракети „Патриот“ во Украина под американска лиценца.
Винчи верува дека ваквите објекти би биле цел на руски напади.
„Мислам дека Русите би нападнале производствен објект во Украина доколку таму се произведуваат ракети „Патриот“ или кој било друг американски систем“, нагласи тој.
Руската државна новинска агенција Тасс прва извести за нападот врз фабриката за беспилотни летала, повикувајќи се на руското Министерство за одбрана.
Во извештајот не се наведува дека фабриката е во сопственост на американска компанија, но се споменува дека таму работеле „експерти од украинско-американска компанија“.
Тас, исто така, точно објави дека објектот произведувал беспилотни летала AQ-400 Scythe и AQ-100 Bayonet.
Според извор запознаен со работењето на компанијата, никој не бил убиен во нападот.