Францускиот министер за внатрешни работи Лоран Нуњез денес изјави дека шумските пожари во Франција изгореле нешто помалку од 40.000 хектари ниска вегетација и шуми и дека 111 осомничени се уапсени за палење.
„Неколку пожари избувнаа во неделата, а се издвојува пожарот во Трињак, во Лоара-Атлантик, каде што изгореа шест куќи. Пожарот се прошири на околу дваесет хектари во приградската област каде што беа испратени два противпожарни авиони во неделата. Пожарот е локализиран“, рече Нуњез, пренесува Фигаро.
Според францускиот министер за внатрешни работи, во Тарадо, северозападно од заливот Сен Тропе во департманот Вар, изгореа десет куќи, а околу педесет беа оштетени.
Во понеделник, метеоролошката служба на Франција прогласи „висок ризик од пожар“ во 27 департмани, а во шест беше прогласено портокалово ниво на тревога поради топлотниот бран.
„Претстојната недела ќе биде недела со прилично сериозен ризик за целиот југозапад и југоисток. Се наоѓаме во донекаде исклучителна ситуација со исклучително силна суша, изобилство вегетација и често силни ветрови, што може да предизвика пожарите да се шират многу брзо“, предупреди Нуњез.