Пет лица загинаа во напад на украински дронови врз Крим и Краснодарск (ВИДЕО)

On:
Сподели со своите пријатели

Четири лица загинаа, а 28 се ранети во напад на украински дронови на Кримскиот полуостров под руска контрола, објави рускиот гувернер.

Одделно, локалните власти во рускиот Краснодарски регион објавија дека едно лице е убиено во напад на украински дрон врз објект за транспорт на нафта, што го потврди и украинскиот претседател Володимир Зеленски.

Руското Министерство за одбрана објави дека 239 украински беспилотни летала биле соборени во текот на ноќта.

Гувернерот на Крим, Сергеј Аксјон, изјави дека бензинските пумпи низ полуостровот ја прекинале продажбата до граѓаните и бизнисите, а залихите се ограничени на владини агенции одговорни за основните услуги и безбедноста.

ПРОЧИТАЈТЕ И:  Захарова: Европа повторно се обединува против Русија како во Втората светска војна

Украина неодамна ги засили нападите со беспилотни летала врз Крим, дом на руската Црноморска флота, насочувајќи се кон снабдувачките патишта на полуостровот и предизвикувајќи криза со горивото со почетокот на празничната сезона.

Локалниот оператор на електричната мрежа пријави прекини во неколку области по оштетување на мрежата, додека фериботскиот сообраќај низ Керченскиот теснец, кој го дели Крим од Краснодарската територија, беше привремено суспендиран.

Властите, исто така, го запреа сообраќајот на мостот што го поврзува Крим со рускиот регион Краснодар повеќе од девет часа, поради што доцнеа 11 возови, објави Ројтерс.