Американскиот претседател Доналд Трамп би можел да одлучи да објави прелиминарен договор за завршување на војната со Иран пред петок, изјави американскиот потпретседател Д.З. Д. Венс.
Венс рече дека меморандумот за разбирање меѓу САД и Иран е „долг околу страница и пол“ и е „многу општ“ документ, објави Би-Би-Си.
Други американски претставници, исто така, дадоа некои детали за договорот, велејќи дека Ормутскиот теснец ќе биде повторно отворен во петок, истиот ден кога договорот треба официјално да биде потпишан во Женева.
Иако Трамп претходно посочи дека деталите за договорот ќе бидат објавени „прилично наскоро“ по церемонијата во петок, Венс изјави за Фокс њуз дека американскиот претседател би можел да одлучи да го објави договорот пред тоа.
Трамп присуствува на самитот на Г7 во Франција, каде што денес ќе се одржи посебна седница за Иран, со присуство на лидерите на Египет, Катар и Обединетите Арапски Емирати.
За време на разговорот со францускиот претседател Емануел Макрон, Трамп рече дека е „многу среќен што може да каже дека е потпишан“, осврнувајќи се на прелиминарниот договор.
Американските претставници изјавија дека договорот бил електронски потпишан од Трамп, Венс и претседателот на иранскиот парламент, Мохамед Багер Галибаф.