Кармело Антони, 19-годишникот од црната раса, осуден за убиство на белиот Остин Меткалф на натпревар во атлетика во Тексас, поднесе жалба на неговата казна од 35 години затвор.
Помалку од 24 часа откако поротата го осуди, неговите адвокати поднесоа официјална жалба, започнувајќи нов правен процес во овој случај кој привлече големо внимание од јавноста, пишува „Унилад“.
Адвокатот на Ентони, Мајк Хауард, го потврди поднесувањето на жалбата до TMZ.
„По завршувањето на судењето вчера, поднесовме формално известување до судот дека Кармело Ентони поднесува жалба. Веруваме дека има неколку важни прашања што апелационите судови треба да ги разгледаат. Жалбата е следниот чекор во правниот процес и право што му е загарантирано на секој Американец“, рече Хауард.
По еднонеделното судење, на поротата ѝ беа потребни само три часа размислување за да донесе пресуда за виновен завчера.
Набргу потоа, казната беше изречена.
Одбраната за време на судењето тврдеше дека Ентони дејствувал во самоодбрана, надевајќи се дека обвинението ќе биде намалено на убиство од втор степен или „злосторство од страст“, но поротата ги отфрли тие аргументи.
Тој беше осуден за убиство од прв степен, за кое можеше да добие до 99 години затвор.
Заедно со 35-годишната казна, Ентони мора да отслужи најмалку 17 и пол години пред да може да се разгледа можноста за условна слобода.
Тоа е отприлика колку што имал Остин Меткалф пред да биде убиен.
Убиството се случило на 2 април минатата година.
Според сведоците, Меткалф го замолил Ентони да се исели од шаторот каде што седел за време на атлетскиот настан.
Кога Ентони одбил, Меткалф наводно го турнал.
Потоа Ентони извадил нож од ранецот и го прободел Меткал во градите.
Ентони никогаш не негирал дека го прободел Меткал.
По нападот, тој се предал на полицијата која пристигнала на местото на настанот, тврдејќи дека дејствувал во самоодбрана затоа што се чувствувал „загрозен“.
„Се бранев“, му рекол на полицаецот кога бил уапсен.
Се огласи и позната музичарка
Неговиот правен тим инсистираше во текот на целото судење на самоодбрана, велејќи дека Ентони дејствувал од „страв“.
„Во тој дел од секундата, Мело мора да донесе одлука за тоа како и кога да дејствува. Самоодбраната е бескорисна ако чекате предолго. Тој реагира во дел од секундата, во страв и хаос“, рече Хауард на суд.
„Откако Кармело се бранеше со ножот, тој избега. Не прободе повторно. Го испушти ножот. Не прободе никого друг“, додаде адвокатот.
Дури и по пресудата, поддршката продолжи да се собира за Ентони. Некои ја доведоа во прашање праведноста на судењето, истакнувајќи дека немало црн член на поротата, додека обвинетиот бил црнец, а жртвата била белка.
Музичарката Карди Б, исто така, се огласи.
„Ова не е правда, ова е обид да се направи пример!!!“, рече таа по пресудата.
Адвокатите на Ентони сега ќе се обидат да докажат пред повисокиот суд дека имало процедурални грешки за време на судењето, со цел да се поништи пресудата или да се промени казната.