Трамп: Украина не би издржалла ни два дена без нашата воена помош

On:
Сподели со своите пријатели

Американскиот претседател Доналд Трамп изјави дека Украина „не би издржале ни ден или два“ во војната со Русија без американско оружје и опрема.

Тој ја даде изјавата пред новинарите во Белата куќа, пишува European Pravda.

„Да не беше нашата армија и нашата опрема, Украина денес немаше да може да се бори за опстанок. Им дадовме опрема вредна стотици милијарди долари, и најдобра опрема. И ја произведуваме најдобрата опрема во светот. Без неа, тие немаше да издржат ден или два“, рече Трамп.

За противтенковски ракети

Трамп се осврна и на испораката на противтенковски ракети во Украина, веројатно алудирајќи на преносливите системи „Јавелин“ кои му беа продадени на Киев за време на неговиот прв претседателски мандат.

ПРОЧИТАЈТЕ И:  Украина уништи база на руски дронови: „Прва ваква операција во модерната историја“!

„Се сеќавате на противтенковските проектили? Кога тенковите се заглавија во калта, а потоа ги поправаа, бум-бум-бум-бум. Јас им го дадов токму тоа. Обама даде листови, а Трамп даде едно од најразорните оружја“, рече американскиот претседател.

Закон за помош и нови санкции

Претставничкиот дом на американскиот Конгрес синоќа усвои закон со кој се обезбедува воена помош за Украина, поддршка за обновата на земјата и воведување нови санкции против Русија.

Предлог-законот беше ставен на гласање преку посебна процедура, таканаречена петиција за гласање, која ги заобиколи редовните комисии.

На демократите им се придружија 18 републиканци и еден независен, Кевин Кили, чие гласање овозможи процесот да започне.

ПРОЧИТАЈТЕ И:  Путин: Зеленски може да дојде ако сака да разговара

Во меѓувреме, шефот на американската дипломатија Марко Рубио сигнализираше дека наскоро се очекува најава за воена помош за Украина во вредност од 400 милиони долари, која Конгресот веќе ја одобри.