Најмалку 14 лица загинаа во удари на гром низ Бангладеш, соопштија денеска официјални лица, додека земјата ја зафати сезонските бури.
Забележани се смртни случаи во неколку области кога ненадејните бури предизвикаа обилни врнежи од дожд и интензивни удари на гром.
Повеќето од жртвите се земјоделци кои работат на отворени полиња и работници фатени во изложени области, соопштија локалните власти.
Неколку лица се повредени и пренесени во блиските болници, а некои од нив се во критична состојба.
Гром убива стотици луѓе секоја година во Бангладеш, кој го прогласи ударот на гром за природна катастрофа во 2016 година, откако повеќе од 200 луѓе загинаа за само еден месец, од кои 82 во еден ден.
Експертите велат дека порастот на смртоносните удари од гром е поврзан со уништувањето на шумите, што доведе до исчезнување на многу високи дрвја кои некогаш ги отклонувале молњите, пренесува Ројтерс.
Смртните случаи предизвикани од удари од гром се вообичаени за време на месеците пред монсуните, од април до јуни, кога зголемената топлина и влажноста создаваат нестабилни временски услови.