Белорускиот претседател Александар Лукашенко им честиташе денес на своите сонародници, ветерани и воени лица по повод Денот на бранителот на татковината и вооружените сили, соопшти неговиот кабинет.
„Од памтивек, нашата земја ги почитуваше воините кои застанаа да ја бранат во тешки времиња. Тие се жртвуваа, бранејќи ја слободата и независноста на татковината. Тоа беше пред 85 години, за време на темните години на Хитлеровата инвазија. Потоа, со Црвената армија, нашите дедовци и прадедовци ја спасија земјата и народот, кршејќи го грбот на фашистичкиот ѕвер и оставајќи ни наследство од Големата победа“, рече Лукашенко, пренесува Белта.
Лукашенко рече дека тоа мора да се запомни и дека делата на овие херои мора да се почитуваат, „бидејќи заборавањето води до ситуација во која сè може да се случи повторно“, објави Танјуг.