Откако израелските сили ја презедоа командата врз хуманитарниот брод „Мадлин“, се огласи Хамас, обвинувајќи го Израел за „флагрантно кршење на меѓународното право“.
Loading...
Бродот „Мадлин“, на кој имало 12 членови на екипажот, вклучувајќи ја и познатата климатска активистка Грета Тунберг, транспортирал хуманитарна помош за населението на Појасот Газа.
Израелските власти не дозволија бродот да влезе во територијалните води на Газа.
Во соопштението, Хамас побара итно ослободување на активистите, велејќи дека Израел е „целосно одговорен за нивната безбедност“.
Тие, исто така, ги повикаа Обединетите нации и другите меѓународни организации да го „осудат ова злосторство“ и да преземат конкретни мерки за прекин на опсадата врз палестинскиот народ во Газа.