На покана на Амбасадата на Република Кина, во име на Кинеската асоцијација за пријателство и соработка со странски земји, претседателката на Совет на Општина Куманово Ивана Ѓорѓиевска учествуваше на “2025 China-CEEC Mayors Forum”, заедно со претставници на локалните самоуправи од земјите на Централна и Источна Европа.
На Форумот се обратија претседателот на Кинеската асоцијација за ЦИЕ Јанг Ванминг, претседателот на Парламентот на Словачка Ричард Раси и градоначалникот на Нингбо Танг Феифан.
На панел дискусијата Ѓорѓиевска зборуваше за културното наследство, за размена на искуства со други држави и култури, за одличната геостратешка позиција и новата индустриска зона во Куманово.
Претседателката на Совет на Општината присуствуваше на свечен прием организиран од страна на градоначалникот на Нингбо, на презентација на кинеска традиционална култура, а беше и во посета на фирми репрезенти на напредна технологија.
Во рамките на „4. CHINA-CEEC EXPO & International Consumer Goods Fair“ во Нингбо, македонската делегација ги посети и претставниците на компании од РМ, кои активно се претставуваат пред азискиот и меѓународниот пазар, афирмирајќи го македонскиот производ.
