Кинескиот претседател Си Џинпинг разговараше со бразилскиот претседател Луиз Инасио Лула да Силва за подобрување на билатералните односи, особено во контекст на 50-годишнината од воспоставувањето дипломатски односи меѓу двете земји.
Си ја нагласи важноста од градење на кинеско-бразилска заедница со заедничка иднина, заснована на поправеден свет и поодржлива планета, објави Синхуа.
Тој предложи понатамошен развој на стратешка доверба и соработка во клучните области, вклучувајќи ја инфраструктурата, земјоделството, енергетиката, дигиталната економија, вештачката интелигенција и вселенската индустрија.
Лула, кој е во државна посета на Кина, ја изрази подготвеноста на Бразил да ја усогласи својата стратегија за развој со иницијативата „Еден појас, еден пат“, нагласувајќи ја потребата од зајакнување на соработката во областите на трговијата, финансиите и културата.
Тој, исто така, ја нагласи важноста на заедничката борба против протекционизмот и унилатерализмот, како и за зачувување на меѓународната праведност и рамнотежа во глобалните прашања.
За време на состанокот, двете страни потпишаа 20 документи за соработка, кои опфаќаат различни сектори, вклучувајќи наука и технологија, земјоделство и медиуми.
Тие, исто така, издадоа заеднички изјави за зајакнување на мултилатерализмот и решавање на украинската криза.
Посетата на бразилскиот претседател заврши со церемонија на добредојде во Големата народна сала, по што следеше вечера.