Министрите за надворешни работи на НАТО се состануваат вечерва во Анталија, Турција, во најновата рунда разговори на високо ниво пред самитот на западната воена алијанса во јуни во Холандија.
Домаќин на дводневниот состанок, на кој првенствено ќе се дискутира за средствата за одбрана и иднината на европската безбедност, е турскиот шеф на дипломатијата, Хакан Фидан.
И Рубио доаѓа
На самитот на лидерите на НАТО во јуни во Хаг се очекува договор за нова цел за распределба на средствата за одбрана, а агенцијата ДПА потсетува дека американскиот претседател Доналд Трамп постојано барал од сојузниците на НАТО драстично да ги зголемат воените трошоци.
Моментално, членките на НАТО се подготвени да издвојат најмалку два проценти од БДП за одбрана, но некои сè уште издвојуваат помалку од тие два проценти.
Европските членки на НАТО се соочуваат и со редот на новата американска администрација во врска со поддршката за Украина и последиците од таа политика за европската безбедносна архитектура.
Во Анталија ќе пристигне и американскиот државен секретар Марко Рубио.
Се очекува министрите на НАТО да започнат консултации за време на вечерата и да продолжат со разговорите утре наутро.