Литванскиот претседател Гитанас Наузеда денеска изјави дека земјата одлучила да ги зголеми трошоците за одбрана на пет до шест проценти од бруто домашниот производ (БДП) почнувајќи од 2026 година.
Loading...
Литванија во моментов издвојува нешто повеќе од три отсто од својот БДП за одбраната, објави АП.
Одлуката на претседателот ја прави Литванија првата членка на НАТО која вети дека ќе ја достигне целта од пет проценти, неодамна поставена од новоизбраниот американски претседател Доналд Трамп.
Наузеда изјави дека „историската одлука“ ја донел литванскиот Национален совет за одбрана.