Новоизбраниот американски претседател Доналд Трамп откри дека принцот Вилијам му рекол дека кралот Чарлс Трети „напорно се труди“ додека продолжува со лекувањето од рак и дека на Кејт Мидлтон ѝ е добро.
Трамп исто така рече дека имале „одличен разговор“ во Париз кој траел „нешто повеќе од половина час“ и го нарекол принцот Вилијам многу убав.
Трамп се сретна со принцот од Велс откако и двајцата присуствуваа на големото повторно отворање на катедралата Нотр Дам.
Да потсетиме дека во 2019 година катедралата беше зафатена од разорен пожар.
Тие разговараа во резиденцијата на британскиот амбасадор во саботата, а Трамп подоцна ги откри деталите од нивниот разговор во интервју за New York Post, пренесува Index.
Трамп рече: „Имав одличен разговор со принцот. Го прашав за неговата сопруга и ми рече дека е добро. Го прашав за татко му, а тој многу храбро се бори. Тој ми кажа дека ги сака татко му и неговата сопруга, што беше трогателно“.
„Имавме одличен разговор кој траеше половина час, нешто повеќе од половина час. Тоа беше одличен разговор. Тој е згоден тип. Изгледаше навистина, навистина жешко минатата ноќ. Дали некои луѓе изгледаат подобро во живо? Изгледаше одлично, навистина одлично, и јас му кажав“, додаде тој.