Марина Влаховиќ (39), новинарка од Србија, специјализирана за Блискиот Исток, во понеделник на 25 ноември е пронајдена мртва во стан во Марсеј.
Отворена е истрага за расветлување на околностите на нејзината смрт, јавува Нова С.
Новинарката е пронајдена без знаци на живот на терасата од нејзиниот стан во Марсеј.
Соработувала со неколку познати медиуми како Arte, France Culture и Mediapart.
Телото на новинарката Влаховиќ го пронашле нејзините пријатели, бидејќи таа со денови не одговарала на телефонот. Загрижени за ова отишле во нејзиниот стан и телото го пронашле на терасата од зградата.
Смртта најверојатно настапила неколку дена пред да биде пронајдено телото.
Според полициски извори на кои се повикува Ла Прованс, ниту еден елемент засега не укажува на насилна смрт.
Наредена е обдукција за утврдување на околностите околу нејзината смрт, а истрагата е во тек.