Две семејни куќи биле опожарени во два различни пожари во текот на вчерашниот ден во Куманово, информираат од Регионалниот центар за управување со кризи.
Нешто пред 17 часот на улицата „Иван Милутиновиќ“ избил пожар во семејна куќа. Петмина пожарникари со едно противпожарно возило интервенирале во период од 16:55 до 17:45 часот.
Само десет минути откако го изгаснале пожарот на „Иван Милутиновиќ“, кумановските пожарникари добиле повик дека гори уште една куќа.
Овој пат пријавата за пожар пристигнала од улицата „Кирил и Методиј“. Интевенирале седум пожарникари со едве противпожарни возила во период од 17:55 до 19:50 часот.
Причините за избувнување на пожарите, како и висината на причинетата материјална штета, допрва ќе се утврдуваат.
Никола Ивановски