Милитантите Хути поддржани од Иран истрелаа две противбродски балистички ракети од Јемен во јужниот дел на Црвеното Море, но нема извештаи за штета, соопшти американската Централна команда.
Според соопштението, неколку комерцијални бродови во областа пријавиле удар на проектил во околната вода.
Британската управа за поморска трговија претходно објави три експлозии на неколку километри од трговски брод во теснецот Баб ал Мандаб, без извештаи за штета.
Неколку бродски компании ги прекинаа операциите низ Црвеното Море како одговор на нападите и наместо тоа тргнаа на подолги патувања низ Африка.
Хутите, кои контролираат голем дел од Јемен, вклучувајќи го и главниот град Сана, од октомври напаѓаат трговски бродови во Црвеното Море, за кои велат дека имаат врски со Израел или пловат кон Израел, во знак на солидарност со Палестинците во Газа.