Молдавските власти ги отфрлија обвинувањата на Газпром дека дел од рускиот гас наменет за молдавските потрошувачи останува во Украина, објаснувајќи дека се работи само за привремени резерви.
„Рускиот гас наменет за Молдавија привремено се наоѓа во Украина поради намалувањето на побарувачката на почетокот на ноември и недостигот на испораки на овој енергенс од Русија“, изјави претседателот на Молдовагаз Вадим Чебан.
Вчера рускиот Газпром се закани дека ќе го запре транзитот на гас преку Украина кој оди во Молдавија бидејќи регистрира „исчезнување“ на одредена количина во Украина.
Компанијата предупреди дека, доколку транзитната нерамнотежа продолжи, ќе ја прекине испораката на гас во понеделник, 28 ноември, од 10:00 часот.
Чебан на својот телеграмски канал напиша дека на почетокот на месецот разликата меѓу номинираниот и измерениот волумен на гас е поврзана со повисоката температура надвор и подоцнежниот почеток на грејната сезона.
Тој додаде дека украинските оператори отсекогаш обезбедувале трансфер на количествата гас што му се потребни на Молдовагаз.
„Овој факт е потврден со месечните комерцијални акти потпишани и меѓу Молдовагаз и Гаспром, како и меѓу операторите на преносната мрежа на Украина и Молдавија“, рече шефот на Молдовагаз.
Бидејќи Молдовагаз не беше во можност да го депонира количеството гас што потрошувачите на Молдавија не го побараа во првата половина на ноември и да го одбие, со оглед на ограничените испораки на гас од Гаспром во сооднос од 51 отсто од обемот на предвидениот договори, тоа би значело создавање на непоправлив дефицит за втората половина на ноември, а одреден дел од гасот привремено останал во мрежите на операторот на преносната мрежа на Украина, објасни Чебан.
Вицепремиерот, министер за инфраструктура и регионален развој на Молдавија, Андреј Спину, исто така претходно изјави дека гасот оставен во Украина ги претставува резервите на Молдавија.
Сите информации за економско-енергетската криза во Македонија, регионот и светот можете да ги прочитате ТУКА.