Извештајот објавен оваа недела од Европската агенција за животна средина покажува дека Австрија со своите езера има најчисти води и најдобра дестинација за капење на Стариот континент, а потоа следат Малта, Грција и Хрватска.
Квалитетот на водите за капење во Европа е драстично подобрен во последните децении, а новиот извештај на Европската агенција за животна средина (ЕЕА) открива дека речиси 85% од нејзините области за капење сега се оценети како „одлични“.
Годишниот извештај за водата за капење следеше скоро 22.000 копнени и крајбрежни места за капење во земјите-членки на ЕУ, Албанија и Швајцарија во 2021 година.
Обединетото Кралство, по напуштањето на ЕУ, за прв пат отсуствуваше од извештајот.
Австрија која нема излез на море, позната по многуте прекрасни езера, вклучувајќи ги и алпските води на езерото Ахен во Тирол и езерото Вајзен обоено со смарагд, е на врвот на листата, со 97,7 отсто од нејзините води прогласени за одлични.
Веднаш зад неа на врвот на листата се четирите фаворити за одмор на Медитеранот: Малта, Грција, Хрватска и Кипар.
Данска и Германија се останатите земји во кои од девет од 10 локации и повеќе добија најдобра оцена.
Португалија е на 10-то место со 88,5 отсто, додека Италија (87,9 отсто) и Шпанија (87,4 отсто) се на 12-то и 13-то место.
Француските туристички жаришта дополнително заостануваат на рангирањето, со 75,7 отсто, додека Полска е најниско рангирана со само 44,5 отсто – зад Словачка со 50 отсто и Унгарија со 60,2 отсто.
Оценката ја направи Европската агенција за животна средина во соработка со Европската комисија.
Локалните и националните власти земаle примероци од вода за време на сезоната на капење и ги анализираle за типови на бактерии кои укажуваат на загадување на канализацијата и сточарство.
Водите потоа беа означени како „одлични“, „добри“, „доволно“ или „лоши“, според стандардите на Европската унија.