Раководството на литванската престолнина Вилнус го смени името на улицата на која се наоѓа руската амбасада во знак на протест против руската инвазија на Украина.
Улицата низ која секојдневно ќе поминуваат вработените во амбасадата, сега се нарекува „Улица на украинските херои“.
„Секој вработен во руската амбасада денеска ќе биде одликуван со зборови во чест на украинската борба. Секој ќе мора да размислува за злосторствата на рускиот режим врз мирниот украински народ додека го пишува името на оваа улица“, рече градоначалникот на Вилнус, Ремигијус Симасиус.
Досега руската амбасада како своја адреса ја користеше улицата Латвија, чие име останува непроменето.
Градоначалникот го објави повикот минатата недела, а вчера беа поставени нови улични табли со имиња на литвански и украински.
Ним им се придружи и Летонија
Ова не е прв пат Вилнус да користи симболика во случаите што се однесуваат на Русија.
Во 2018 година, тие го преименуваа плоштадот пред руската амбасада по Борис Немцов, опозиционер на руската влада убиен во 2015 година од непознати напаѓачи.
Летонија, како друга балтичка држава, ја преименува улицата во главниот град Рига, во која се наоѓа и руската амбасада, улицата „Независна Украина“.