Дваесет лица биле затекнати во кумановска чајџилница по дозволеното работно време, поради што полицијата ќе поднесе пријави против соспственикот.
– На 06.03.2021 во 22.30 часот од полициски службеници од СВР Куманово е извршена контрола во чајџилница на ул. „Карл Маркс“ во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време и во него биле затекнати околу 20 лица, информираат од Секторот за внатрешни работи Куманово.
Објектот, како што појаснуваат од кумановската полиција, од страна на Државен пазарен инспекторат е затворен.
По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.
Никола Ивановски