Изминатата година е забележан пораст на случаите на колера, поради климатските промени, сиромаштијата и конфликтите.
Природните катастрофи поврзани со климатските промени, како што се дождот, сушата и ураганите, доведуваат до проблеми во пристапот до чиста вода, што се смета за главна причина за зголемување на случаите на колера.
Сиромаштијата и конфликтите се исто така меѓу другите фактори кои предизвикуваат ширење на колерата повеќе од кога било, според меѓународните организации.
Дваесет и шест земји пријавиле епидемии на колера само во првите девет месеци од 2022 година, покажуваат податоците на Светската здравствена организација. Од 2017 до 2021 година, помалку од 20 земји пријавиле епидемии на колера.
„Просечната стапка на смртност пријавена во 2021 година е речиси тројно зголемена во споредба со претходните пет години“, рече Филип Барбоза, кој го предводи Одделот за колера и епидемија на дијареа на СЗО.
Колерата е заразна болест на тенкото црево предизвикана од бактеријата Vibrio cholerae.
Болеста се шири со конзумирање на контаминирана вода, ракови, школки и риби и друга храна загадена со измет на заразени луѓе.
Колерата претставува поголем ризик за Хаити и Пакистан, погодените од поплави, Сирија и соседен Либан, зафатена од војна.
СЗО и партнерите создадоа меѓународна залиха на вакцини против колера, со 27 милиони дози испорачани минатата година.
СЗО наведува дека епидемиите на колера може да се спречат со обезбедување пристап до чиста вода и основна санитација и хигиена.
Потребен е и зголемен надзор, пристап до здравствена заштита и ефективен ангажман на заедниците.