Претседателот на Украина, Володимир Зеленски, вечерва треба да пристигне во Албанија, каде утре се одржува самитот Украина – Југоисточна Европа, а Тирана од денеска е под силни безбедносни мерки, пишуваат албанските медиуми.
Според Voxnews, околу 1.600 полицајци ќе бидат ангажирани во безбедносните мерки, вклучително и интервентни тимови и антитерористичката служба, додека уште 400 припадници на гардата ќе бидат на готовност, а антиексплозивни групи ќе ја следат ситуацијата.
Се очекува Зеленски да има повеќе билатерални средби во Тирана, меѓу кои и со албанскиот премиер Еди Рамa и со претседателот Бајрам Бегаи.
По самитот на Украина и Југоисточна Европа, на кој ќе учествуваат и претставниците на балканската шесторка, во четврток ќе се одржи самитот на Западен Балкан на кој ќе се разговара за Планот за раст на тој регион.
Се очекува и доаѓањето на претседателката на Европската комисија Урсула фон дер Лајен.
Сите информации поврзани со најновите случувања со војната во Украина можете да ги прочитате ТУКА.