Украинскиот претседател Володимир Зеленски изјави дека Украина се подготвува за нова руска офанзива на истокот на земјата.
„Забележано е акумулација на руски војници за нови напади во Донбас. Се подготвуваме за тоа“, рече Зеленски.
Според Би-Би-Си, тој изразил скептицизам кон најавата на Русија дека ќе ги намали воените активности околу Киев и Чернигов.
„Никому не веруваме и не веруваме на никакви убави вербални конструкции“, рече Зеленски.
Украинскта војска: Одбивме пет непријателски напади во правец на Доњецк и Луганск
Тој нагласи дека нема причина да се верува во таа објава на Русија, со оглед на тоа што руските сили продолжиле да ги напаѓаат Киев и Чернихов и ден откако го дале ветувањето.
Смртоносниот бомбашки напад бил забележан и во Ирпин, со засилени напади во регионот на Донбас.
Зеленски уште еднаш посочи дека Украина е посветена на заштита на својата територија.
„Нема да се откажеме од ништо. Ќе се бориме за секој метар од нашата земја, за секој човек“, посочи украинскиот претседател.