Работниците на Амазон во градот Ковентри во Велика Британија на полноќ ќе го започнат првиот штрајк во земјата поради незадоволство од висината на платите.
Околу 300 членови на синдикатот GMB, од 1.000 кои работат во магацинската компанија BHX4, ќе престанат со работа на полноќ, а суспензијата ќе трае 24 часа, објави британски „Тајмс“.
Тие бараат да бидат платени како нивните американски колеги, кои се платени 18 долари или 14,65 фунти на час, наместо предложеното зголемување на час од 50 п. што Амазон го предложи во август.
Според предлогот на компанијата, најниско платениот работник ќе добива 10,50 фунти на час.
На работниците им беше понудена и еднократна исплата од 500 фунти за октомври и ноември.
GMB вели дека оваа часовна стапка е пониска од онаа што ја нудат Asda, Disney и Primark, кои исто така имаат магацини во Ковентри.
Портпаролот на Амазон рече дека бизнисот ќе продолжи нормално оваа недела и дека клиентите нема да ги почувствуваат ефектите од штрајкот.
„Ние ја цениме одличната работа што ја прават нашите тимови во текот на годината и сме горди што можеме да понудиме минимална почетна часовна плата од 10,50 до 11,45 фунти, во зависност од позицијата“, рече портпаролот.
Сите информации за економско-енергетската криза во Македонија, регионот и светот можете да ги прочитате ТУКА.