Времето денеска низ Македонија ќе биде сончево со мала до умерена локална облачност, информираат од Управата за хидрометеоролошки работи.
Ќе дува умерен, наместа долж Повардарието и во источните делови засилен ветер од северен правец.
Минималните температури низ државата ќе се движат во интервал од 10 до 20 степени, додека максималните дневни ќе бидат меѓу 25 и 35 степени целзиусови.
Во Куманово и околината денеска ќе имаме сончево и топло време.
Ќе дува умерен до засилен ветер од северен и североисточен правец, кој на моменти ќе достигнува брзина и до 40 километри на час.
Утринската температура ќе се движи околу 12 степени, додека максималната дневна ќе достигне 29 степени целзиусови.
Сончево и топло време низ кумановско ќе имаме и утре, кога ќе дува умерен до умерено засилен северен ветер.
Температурата во утринските часови ќе се движи околу 14 степени, додека дневниот максимум се очекува да достигне 32 степени целзиусови.
Во недела ќе имаме сончево и многу топло време.Ќе дува слаб до умерен ветер од југозападен правец.
Минималната температура ќе се движи околу 16 степени, а максималната дневна ќе достигне дури 36 степени целзиусови.
Температурите над 30 степени ќе се задржат и во текот на следната работна недела.
Никола Ивановски