Женскиот ракометен клуб Куманово го доби првиот противник од новата ракометна сезона која стартува на 8 и 9 септеври. Вардар ќе биде екипата против која кумановки ќе ја бркаат првата победа.
Вардар во сезоната влегува со нов состав, релативно послаб од претходниот, додека Куманово се уште се екипира, а освен досегашните ракометарки, екипата ќе биде засилена и со ракометарки од страна.
Во првиот дел од сезоната, кој се очекува да заврши кон средината на декември ќе бидат одиграни 14 кола, а напролет покрај четирите кола кои остануваат од регуларниот дел ќе бидат одиграни и дуелите од плеј-офот и плеј-аутот, кој ќе го даде пласманот за европските купови.
Цемс и Спартак од Скопје ќе бидат двата нови состави кои ќе се приклучат во Првата женска ракометна лига.