Унгарија: Повеќе луѓе загинаа во судар меѓу комбе и воз

Неколку лица загинаа и се повредени откако воз утринава удри во комбе во јужна Унгарија, се наведува на полициската веб-страница.

Несреќата се случила непосредно пред 7 часот на железничкиот премин во центарот на градот Миондсет, кога комбето удрило во шините и се судрило со воз што сообраќал на линијата Сентес до Ходмезовасархел.

Возот по ударот излетал од шините и влетал во каналот, а неколку лица загинале на лице место, јавува МТИ.

Франција ќе протера 35 руски дипломати

Полицијата го затворила патот за да ја олесни работата на истражните и спасувачките служби, а на местото на несреќата е испратен и хеликоптер на брза помош.

Алармирани се и пожарникари, а акцијата за спасување ја координира Службата за операции за справување со катастрофи.