Украина стана полигон за тестирање на различни видови оружје, изјави украинскиот министер за одбрана Алексеј Резников во интервју за Политико.
Тој ги спореди борбите со „натпревар помеѓу системи“ на оружје.
Тој додаде дека очекува испораки на тенкови и авиони од западните земји.
„Јас сум голем оптимист дека тенковите Абрамс ќе бидат испорачани во иднина, а сигурен сум дека ќе бидат достапни и ловци како Ф-16, Ф-15 или Грипен од Шведска“, рече Резников.
Тој објасни дека европските земји производители на тенкови „ќе ја чекаат политичката одлука на Соединетите држави“ пред да почнат да го снабдуваат Киев со оружје.
Претходно вчера, извршниот директор на американската компанија за оружје Рајтон, Грег Хејс, изјави дека експерти веќе распоредуваат два системи за воздушна одбрана НАСАМС во Украина.
Истовремено, тој додаде дека американската влада одобрила испорака само на овој систем.
Сите информации поврзани со најновите случувања со војната во Украина можете да ги прочитате ТУКА.