Портпаролот на Министерството за надворешни работи на Украина, Георги Тихи, ги негираше пишувањата на Тајмс дека Украина може да направи нуклеарна бомба, велејќи дека Киев не планира да развива нуклеарно оружје.
„Украина се придржува до НПТ (Договор за неширење на нуклеарно оружје). Ние не поседуваме, не развиваме или имаме намера да создаваме нуклеарно оружје. Украина тесно соработува со МААЕ и е целосно транспарентна во мониторингот, што ја исклучува употребата на нуклеарно оружје и материјали за воени цели“, рече Тихи.
Вооружените сили на Русија извршија комбиниран ракетен и беспилотен напад врз Киев, за прв пат во последните 73 дена.
Украинската војска тврди дека за време на тој напад Москва користела крстаречки и балистички ракети, како и самоубиствени дронови. Оштетени се и инфраструктурни објекти.
Руските сили, од друга страна, тврдат дека ја презеле контролата врз населбата Равнопољ во областа Доњецк. Тие се обидуваат да ја прошират офанзивата во правец на Купјанск.
Соединетите Американски Држави официјално отвораат нова воздухопловна база во северниот дел на Полска, во градот Реџиково, како дел од системот за противракетна одбрана на НАТО.