Виктор Димитриевски од Куманово вчеравечер победи во финалето на српското музичко натпреварување „Никогаш не е доцна“
Димитриевски ја освои титулата победник според гласовите на СМС публиката, кој во текот на целата сезона ги освои симпатиите на публиката со своите настапи и автентична енергија.
Виктор победи освојувајќи 5.634 гласови од публиката.
Веднаш по објавувањето, Виктор ги сумираше своите први впечатоци и призна дека дури ни во најлудите соништа не очекувал таков исход.
– Не очекував да биде толку грандиозно. Не очекував ни да стигнам до финалето, со оглед на тоа што во полуфиналето бев на Фејсбук гласањето со многу добри кандидати. Имав голема поддршка од публиката и им благодарам многу. Благодарност до Гранд продукција за сè, благодарност до Жика што ме избра мене кога го направи изборот. Најмногу од сè, благодарност до моето семејство, мојата сопруга и мојот син – рече тој, а пренесуваат српски Новости.
Вчера освен Виктор имаше уште двајца победници.
Кога станува збор за гласање на Фејсбук, Јасмин Селмановиќ од Сјеница доби најголема поддршка од онлајн публиката, кој освои 19.605 гласови од публиката.
Со одлука на стручното жири, победничка на 11-тата сезона е Ивала Шалипур Лола, која остави силен впечаток кај членовите на жирито со својот талент, емоција и импресивни интерпретации во текот на целиот натпревар и заслужено ја освои оваа категорија.
Никола Ивановски