Украина: Гранатиран Николаев, најмалку две лица загинаа

Сподели со своите пријатели

Во руското гранатирање на украинскиот град Николаев, најмалку две лица загинаа, а шест се повредени, изјави шефот на цивилно-воената администрација на регионот, Виталиј Ким.

Loading...

Тој најави дека „според првичните податоци, две лица загинале, тројца се повредени, а уште тројца жители се пренесени во болница и дека се добиваат детални информации од терен“, пренесува Си-Ен-Ен.

„Синоќа околу 1:10 часот, Николаев беше гранатиран. Според првичните податоци, станува збор за ракети С-300. Оштетени се образовна институција, инфраструктура и станбени објекти“, објави Ким во објавата на Телеграм, тврдејќи дека пожарот избувна како резултат на нападот во фабриката, наведува американската агенција.

ПРОЧИТАЈТЕ И:  Паѓа поддршката на Путин, но 72% од Русите ја поддржуваат инвазијата

Градоначалникот на Николаев, Олександар Сиенкевич, исто така, објави за гранатирањето на Телеграм.

„По 1 часот по полноќ вечерва Николаев беше масовно гранатиран. Оштетени се станбени куќи. Службите за итна помош и општинските служби работат на местото. Некои улици треба да се исчистат за да можат возилата да поминат“, рече Сиенкевич во објавата на Телеграм.

А во ноќта меѓу саботата и неделата руската армија го гранатираше Николаев, при што беа ранети девет лица, соопштија претходно украинските власти.

ПРОЧИТАЈТЕ И:  Русија: 200 украински националисти убиени во Краматорск

Сите информации поврзани со најновите случувања со војната во Украина можете да ги прочитате ТУКА.