Убиен Британец кој волонтирал како болничар во Украина

Сподели со своите пријатели

Британец бил убиен додека волонтирал како болничар во Украина, изјавила неговата сестра.

Loading...

Крег Мекинтош, од Тетфорд, почина на должност на 24 август, рече Лорна Мекинтош.

Мекинтош собра повеќе од 9.000 фунти на страницата GoFundMe за да може да го врати телото на нејзиниот брат во Британија.

„Ве молиме, помогнете ни да го вратиме воениот херој дома“, напиша таа, пренесува Би-Би-Си.

„Тој заслужува достоинствен погреб“

„Нашиот брат храбро доброволно се пријави да замине во Украина како лекар за да помогне во спасувањето животи во таа земја разурната од војна. Овој несебичен човек моментално се наоѓа во мртовечница во Украина“, рече Мекинтош.

ПРОЧИТАЈТЕ И:  Западот му порача на Зеленски дека сега не е време за членство во НАТО

„Разговаравме со меѓународна погребна куќа и ќе чини околу 4.000 фунти за да го вратиме во Велика Британија. Тој го даде својот живот за да спаси други. Треба да го вратиме дома за да може да има достоинствен погреб“, додаде таа.

„Го поддржуваме семејството на Британецот кој загина во Украина и сме во контакт со локалните власти“, соопшти британското Министерство за надворешни работи.

Сите информации поврзани со најновите случувања со војната во Украина можете да ги прочитате ТУКА. 

Loading...
ПРОЧИТАЈТЕ И:  Британија: Русија уби цивили за кои сега тврди дека се нејзини граѓани