Турист од Нов Зеланд (30) на почетокот на месецов скокнал во фонтаната Треви во Рим и пливал, поради што набрзо бил казнет.
Откако ги прескокнал бариерите и ги игнорирал забраните и влегол во вода, добил казна од 500 евра, како и забрана за пристап до одредени области на градот, вели Афариталијани.
Се се случувало во постојано преполн и надгледуван простор, а инцидентот бил снимен и споделен на социјалните мрежи.
Видеото од скокот брзо стана вирално, а некои го исмеваа, но тоа и налути многумина.
Имено, некои корисници на социјалните мрежи изјавија дека 30-годишникот треба да се соочи со многу поголема казна.
„Казната мора да биде историска“, „Неговото најскапо пливање во животот“, „Непочитување“, се дел од коментарите.
Последниве години Рим се соочи со бројни слични инциденти – капење во фонтани, оштетување споменици, пишување графити…
Фонтаната Треви е еден од најфотографираните и најпосетуваните споменици во светот, но токму поради тоа е и еден од најизложените на неодговорно однесување.
@flavio_grosso_ POV: SEI A ROMA E UN SIGNORE TI CHIEDE DI FARGLI UN VIDEO #perte #fyp ♬ Funny video “Carmen Prelude” Arranging weakness(836530) – yo suzuki(akisai)