Турските власти го забранија пристанувањето на крузерот „Скарлет Лејди“, кој превезува речиси 2.000 патници од ЛГБТ заедницата, на планираните станици во Кушадаси и Истанбул.
„Атлантис Ивентс“, која го организира 10-дневното патување „Од Венеција до Атина“, соопшти дека локалните турски власти ги откажале пристигнувањата на бродот бидејќи бил изнајмен за групи „познати по однесување кое е некомпатибилно со ткивото на нашето општество и нашите морални вредности“.
Наместо во Турција, бродот сега ќе пристаниш во Каиро и на грчкиот остров Крит.
Според организаторите, на патувањето се очекуваат околу 1.900 гости, од кои приближно 1.100 се од Соединетите Американски Држави, додека останатите доаѓаат од Обединетото Кралство, Канада, Австралија и други земји.
„Скарлет Лејди“ е во сопственост на „Вирџин Војаџис“, поддржана од Ричард Бренсон.
Претседателот и извршен директор на „Атлантис Ивентс“, Рич Кембел, за Си-Ен-Ен изјави дека одлуката на турските власти е без преседан за компанијата.
„Искрено, ова е прилично зачудувачки. Мислам, тоа е затоа што станува збор за геј група“, рече Кемпбел.
Тој додаде дека е загрижен кога државата избира на кои туристи ќе им биде дозволено да влезат, а на кои не.
Според него, ова е прв пат по 36 години компанијата да биде конкретно кажано дека не може да се закотви во пристаништето „поради тоа кои сме“.
„Ова не е политичка организација. Ние не сме таму за ништо друго освен да трошиме пари, да се забавуваме, да одиме на тури и да бидеме неверојатно почитувачки кон секоја култура што ја посетуваме“, додаде Кемпбел.
Властите во покраината Ајдин, каде што се наоѓа пристаништето Кушадаси, рекоа дека „апсолутно нема можност дотичната група да ја посети нашата покраина поради настан од ваков карактер“.