Американскиот претседател Доналд Трамп потврди дека се пронајдени телата на тројца од четворицата американски војници кои беа пријавени за исчезнати откако нивното возило потона во мочуриште во Литванија минатата недела.
„Тројца повеќе не се со нас, а еден, за жал, веројатно спаѓа во истата категорија, но тоа сè уште не е потврдено“, изјави Трамп за новинарите во Белата куќа, според Си-Ен-Ен.
Тој изјави дека „брегот на езерото се срушил“ под тежината на камионот што ги превезувал војниците.
Војниците и оклопниот транспортер М88 Херкулес исчезнаа рано утрото на 25 март за време на обуката за одржување на полигонот Пабрада во близина на границата со Белорусија.
Во неделата беше пронајден оклопен транспортер со тела на тројца војници.
„Операциите за пребарување и извлекување продолжуваат за лоцирање на четвртиот војник“, соопшти војската.
Литванското Министерство за одбрана потврди дека литванската воена полиција и американските истражители се уште се активни на местото на несреќата.
На 25 март беше започната голема акција за пребарување и спасување, а еден ден подоцна возилото беше лоцирано во мочуриште на длабочина од над пет метри.