Американскиот републикански претседателски кандидат Доналд Трамп изјави дека има план за постигнување мир во Украина, но одби да ги открие неговите детали, велејќи дека планот треба да остане изненадување.
– Имам прецизен план како да ги запрам Украина и Русија. И јас имам одредена идеја, не баш план, туку идеја за Кина… Но, не можам да ви ги откријам тие планови, бидејќи ако ги откријам, нема да можам да ги користам, нема да бидат усоешни. И тоа е дел од изненадувањето, нели? – рече Трамп во интервју на каналот на Јутјуб на Лекс Фридман.
Трамп претходно изјави дека конфликтот во Украина никогаш немаше да започне доколку тој беше претседател на САД наместо досегашниот лидер на земјата Џозеф Бајден.
Тој исто така нагласи дека, доколку биде реизбран, има намера да го реши конфликтот меѓу Русија и Украина за само 24 часа.
Коментирајќи ги зборовите на Трамп, портпаролот на рускиот претседател Дмитриј Песков рече дека овој конфликт е премногу сложен проблем за да се реши за еден ден.