Најмалку 12 тела се извлечени денеска од урнатините на училишната зграда во државата Плато во централна Нигерија, јави локалната телевизија.
Околу 120 ученици и наставници се под урнатините и потрагата по нив е во тек, пренесе АП.
Властите допрва треба да го потврдат бројот на повредени ученици и наставници, но телевизијата Каналс објави дека 26 лица биле примени на лекување во блиската болница.
Владата ја обвини за трагедијата „слабата структура на училиштето и неговата локација“, бидејќи училиштето се наоѓа во близина на брегот на реката.
Двокатницата утрово се урна, а војската и полицијата се на терен, јави Ројтерс.
Во Нигерија ваквите инциденти се вообичаени поради лошите регулативи, кои не ги исполнуваат стандардите кога станува збор за градежни материјали.
High School Collapses in Nigeria, Killing Several Students https://t.co/ddyBIrWWPn pic.twitter.com/JK8eTnJZHa
— Adrián Guillermo (@AdrianGullmo) July 12, 2024