Часовникот отчукува до „Денот на ослободувањето“, како што го нарече американскиот претседател Доналд Трамп објавувањето на широк опсег на царини против земјите во постојан трговски дисбаланс со САД.
Овој потег, најавен за средата, еден од многуте за кои Трамп ги искористи своите претседателски овластувања до невиден степен, беше поттикнат од неговото инсистирање дека најголемата светска економија е „измамена од секоја земја во светот“ и неговото верување дека повторното воспоставување паритет бара реципрочни царини.
Од друга страна, критичарите предупредуваат дека оваа стратегија го зголемува ризикот од глобална трговска војна, бидејќи предизвикува дополнителна одмазда од големите трговски партнери како Кина, Канада и Европската унија.
Големината на давачките што ќе бидат објавени во среда ќе се разликува од земја до земја, а точните планови остануваат нејасни.
„Очекувајте го неочекуваното“, рече Рајан Свит, главен американски економист во консултантската компанија „Оксфорд економикс“.
Најголемите престапници
Тој очекува администрацијата на Трамп „да се насочи кон некои од најголемите престапници“.
Она што е на крајот важно е колку се широки тарифите и дали тој потег е само преговарачка тактика или дел од промена на режимот, оценува тој.
Трамп во неделата објави дека тарифите ќе важат за сите земји, згаснувајќи ја секоја надеж дека може да се повлече.
Сепак, тој вели дека царините ќе бидат „подарежливи“ од оние што им се наметнати на Соединетите Американски Држави.
Американските трговски партнери брзаат да ја намалат својата изложеност пред крајниот рок на Трамп, а извештаите сугерираат дека Индија може да намали некои царини.
Покрај реципрочните царини за земјите, Трамп би можел да објави и дополнителни даноци специфични за секторите како што се фармацевтските производи и полупроводниците, а сето тоа покрај новите царини за увоз на автомобили кои ќе стапат на сила во четврток.