Собранието ги усвои измените на Закон за азил – мигрантите ќе се возат со јавен транспорт

Сподели со своите пријатели

Собранието на Република Македонија денеска во рамки на 56. седница одлучи по скратена постапка да бидат разгледани измените на Законот за азил и привремена заштита.
Со измените се предвидува мигрант кој ќе ја помине границата, да добие потврда дека во земјава може да остане најмногу 72 часа по што ќе мора да ја напушти или да побара азил. Странецот на граничен премин или во внатрешноста на земјата може усно или писмено пред овластен полициски службеник да искаже намера за поднесување барање за признавање на правото на азил по што полицискиот службеник ќе треба да изврши евиденција на странецот, да го информира и да го упати дека во рок од 72 часа може да го поднесе барањето за признавање на правото за азил пред надлежните органи.
Министерот за внатрешни работи Митко Чавков, образложувајќи го законот, истакна дека измените на законот се прават поради зголемување на бројот на мигранти кои транзитираат низ државата. Измените, додаде тој, ќе придонесат за поголема безбедност и намалување на ризиците на мигрантите, а Министерството за внатрешни работи ќе добие посоодветна евиденција за лицата кои влегуваат во државата.

Comments are closed, but trackbacks and pingbacks are open.