Руската противвоздушна одбрана собори беспилотно летало во северозападниот дел на Москва, во близина на насипот Карамашевски, и нема поголеми штети или повредени, изјави на Телеграм градоначалникот на руската престолнина Сергеј Собјанин.
„Направен е обид да се прелета дрон над градот. ПВО го уништи. Кога шутот паднал на просторот кај насипот Карамашево, немало повредени. Немаше ниту сериозна штета. Екипите за итни случаи се на терен“, напиша Собјанин, пренесува Танјуг.
Руското Министерство за одбрана објави дека руските системи за електронско војување спречиле обид, како што е наведено, „режимот во Киев да изврши терористички напад со беспилотно летало врз објект во Москва“, пренесува Тас.
Министерството соопшти дека дронот бил соборен во шумска област западно од Москва.
Претходно, од безбедносни причини беа затворени московскиот аеродром Внуково и аеродромот Калуга, на околу 200 километри од главниот град на Русија.
Сите информации поврзани со најновите случувања со војната во Украина можете да ги прочитате ТУКА.