Во сите затвори во Белгија во шест часот утринава започна 24-часовен штрајк на вработените поради пренатрупаност, каде во моментов на под спијат 599 затвореници, што е за 125 повеќе од пред две недели, изјави синдикалниот претставник на христијанската унија АЦВ Ален Бланк.
Штрајкот го организираа синдикатите ACV, ACOD и VSOA, откако минатата недела беа одржани преговори со Министерството за правда, кои не донесоа резултати, јавува Фламанската радио и телевизија (VRT).
Заедничкиот синдикален фронт на АЦВ, АЦОД и ВСОА минатиот понеделник поднесе оглас за штрајк, по што, според процедурата, во рок од четири дена требаше да се одржи средба со претставници на Министерството за правда.
Средбата се одржа минатиот четврток, но не доведе до договор, по што синдикатите го потврдија претходно најавениот штрајк.
„Причините се познати одамна. Со години се соочуваме со структурна пренатрупаност, за која се чини дека политичките власти нудат само набрзина скроени итни мерки“, рече Бланк.
Тој предупреди дека решавањето на проблемот со затворениците кои спијат на под, како и укинувањето на дополнителните 285 кревети во затворите во Фландрија и враќањето на предвидениот капацитет, за да можат вработените повторно да работат безбедно и одговорно, може да стане „утопија“ со актуелната влада.
Покрај пренатрупаноста, синдикатите укажуваат на недостиг на персонал и застарена инфраструктура, како и неизвесност околу договорите постигнати преку колективниот социјален договор, вклучително и најавените зголемувања на платите.
Се очекува штрајкот да биде масовно поддржан, но Управата на затворите не сакаше однапред да дава проценки за можните последици, јави Танјуг.