Рускиот претседател Владимир Путин денеска пристигна во официјална посета на Астана, каде што ќе разговара со неговиот казахстански колега Касим-Жомарт Токаев, со кого ќе учествува на форумот за меѓурегионална соработка.
Путин пристигна во главниот град на Казахстан на покана на Токаев, кој лично го чекаше на рампата за качување по слетувањето на авионот, пренесува РИА Новости.
Како што соопшти Кремљ, за време на преговорите страните планираат да разгледаат цела низа области на соработка, вклучително и меѓусебни инвестиции.
Дополнително, претседателите на Русија и Казахстан ќе разменат мислења за регионални и меѓународни прашања.
Путин и Токаев прво ќе одржат разговори во ограничен формат, по што ќе следат „детални руско-казахски преговори“, соопшти Кремљ.
По средбата ќе бидат потпишани документи, а претседателите ќе дадат заедничка изјава за медиумите.
Предвиден е официјален прием во чест на рускиот гостин.
Путин и Токаев преку видео врска ќе учествуваат на пленарниот состанок на XIX форум за меѓурегионална соработка на Русија и Казахстан, кој ќе се одржи во Костанај, а темата на овогодинешниот форум е „Земјоделството е основа на силна економија“, пренесува РИА Новости.